ITO PARGAULAN

O. . . ale ito pargaulan
Pasonang ma roham
Tading maho na tading
Borhat ma au lao tu nadao

Leleng pe au ito di nadao
Dipardalanakki
Ingot maho ito
Di janji naung tabaheni

Arian nang borngin pe
Toktong ma au ingot di nadao
Leleng pe au so mulak
Hu bahen pe tona sian na dao

Anggo adong pe hata ro tuho
Mangela ela ho
Unang olo ho
Porsea dihata ni deba

Ai bakko do i anggo dihita jolma
Mamutus hubungan ta
Dihalak do dirajumi
Paulahon na laos so martupa

Godang pe pamola mola
Posma roham pangago do i
Sotung mardua roha
Ho dihatam naung di unduk mi

Anggo salendang pinangido mi
Pasombu sihol mi
Posma roham ito
Saminggu on sahat ma i
Jala paboa ma tu familim
Sabulan nai nama
Pasahat ma ulaon ta
Mamasu masu lao tu gareja

Diadat naung dohot uhum
Hita ikkon marsihaholongani
Naso jadi marsirang
So sinirang ni hamateani